انت قلبك جنسـه ايه
=====\\\\\\\=====
راجع تلومنى ع اللى راح
هو مين كان السبب
تجرح وتشكى من الجراح
اما والله عجب
تبقى هجرنى وغايب عنى شهور
اسهر ليلى اصبر قلبى واقول معذور
وبدال متجينى تقول سامحينى
جى عايزنى اترجاك..اما صحيح مغرور
نفسى اعرف ده كله ليه
انت قلبك جنسه ايه
مشتقليش طول غيابك فى السفر
مشوفتنيش وانا بشتكيك للقمر
كان يشوفنى سهرانة وحدى
احسب لقاك على دق قلبى
واحلم بطيفك جى من بعيد
يطفى نار شوقى ووجدى
اصعب عليه يسال نجومه
جراى لها ايه
وانت راجع تعتب على
انت قلبك جنسه ايه
كنت بحلم بغرام عينيك
وعطف قلبك والهنا
كنت شايفاك وانا بين ايديك
بضمنى بحنان سنة
اترينى طول بعدى عنك
بعيدة عن عينك وقلبك
هجرتنى وصدقت ظنك
وسيبتنى اغرق فى حبك
نفسى اعرف انت قلبك جنسه ايه
======\\\\\\\\======
حسين الشاعر
Posted in:
0 التعليقات:
إرسال تعليق