==================
على راحتك ياجميل على راحتك
ادلل ومعايا شوف راحتك
واجرحنى والعب بمشاعرى
انا عمرى فى يوم ماجرحتك
==============
اكمنى بحبك ومسلم....يابو دم شربات يامقطقط
بتفوت على قلبى ولاتسلم..وتسيبنى من الحيرة اتنطط
ليك حق يارايق من قدك..مانا قلبى دايب فى حلوتك
وانكوى مالنار اللى فى خدك ..دايماً متلهف على ريحِتك
على راحتك ياجميل على راحتك
==============
من عز النوم بيصحينى ..ويقولى ده رنة تليفونها
من كتر شوقى وحنينى..بنسى الكلمات اللى هقولها
معرفش ايه اللى جرالى..فى غرامك اتغير حالى
بحلم وانا صاحى فى خيالى..ياريتنى فى يوم ما صارحتك
===============
بيقوله الصبر له اخر..وانا صبرى عليك لطالون
تبعدنى عمرى ماهتاخر..انا اصلى بحبك بجنون
فى الحلم بشوفك نوبتين..برقيك واكفيك شر العين
وان غيبت هروحلك لو فين..واقولك ياحبيى سامحتك
على راحتك ياجميل على راحتك
=============
حسين الشاعر
