على راحتك

على راحتك

==================

على راحتك ياجميل على راحتك
ادلل ومعايا شوف راحتك
واجرحنى والعب بمشاعرى
انا عمرى فى يوم ماجرحتك
==============
اكمنى بحبك ومسلم....يابو دم شربات يامقطقط
بتفوت على قلبى ولاتسلم..وتسيبنى من الحيرة اتنطط
ليك حق يارايق من قدك..مانا قلبى دايب فى حلوتك
 وانكوى مالنار اللى فى خدك ..دايماً متلهف على ريحِتك
على راحتك ياجميل على راحتك
==============
من عز النوم بيصحينى ..ويقولى ده رنة تليفونها
من كتر شوقى وحنينى..بنسى الكلمات اللى هقولها
معرفش ايه اللى جرالى..فى غرامك اتغير حالى
بحلم وانا صاحى فى خيالى..ياريتنى فى يوم ما صارحتك
===============
بيقوله الصبر له اخر..وانا صبرى عليك لطالون
تبعدنى عمرى ماهتاخر..انا اصلى بحبك بجنون
فى الحلم بشوفك نوبتين..برقيك واكفيك شر العين
وان غيبت هروحلك لو فين..واقولك ياحبيى سامحتك
على راحتك ياجميل على راحتك
=============
حسين الشاعر

تابع القراءة

راجع ليه..عايز ليه

راجع ليه **عايز ايه

راجع تسال ليه عن حالى *****وتفكرنى باللى جرى لى
فاكر يعنى سؤالك عنى .....هيرجعنى ويطمنى
لا ياحبييبى اسمع منى....عمر دموعى ما هتحلى لك
حاول تنسى وريح بالك

****
حاول تنسى انى فى يوم....كنت بجبك حب كبير
حب ظلمنى وخلى النوم.....يعصى عينية ليالى كتير
وانت ولاانت كان على بالك .... ياللى دموعى كانت تحلى لك
كدب ظنى وابعد عنى
وحاول تنسى وريح بالك

****

ده اللى جرى لى فى حبك ياما ....ياما دريته عن عين الناس
هجر وحيرة وشوق وملامة ....وصبر شربته كاس وراى كاس
وانت ولاانت كان على بالك .... ياللى دموعى كانت تحلى لك
كدب ظنى وابعد عنى
وحاول تنسى وريح بالك

****

صعب على انسى هوانى....مهما حاولت تقول اعذار
كل ماانسى ارجع تانى .... اشوف الجنة فى قربك نار
وانتى عايزنى اكون فى خيالك .... ياللى دموعى كانت تحلى لك
كدب ظنى وابعد عنى
وحاول تنسى وريح بالك

****

مع تحياتى
حسين الشاعر

تابع القراءة

ياشمس قومى روحى

ياشمس قومى روحى

ياشمس قومى روحى ***خلينى اعطر مطرحى

وافتح شبابيك الهوى

ده الليلة جى من السفر****ابو طلعة اجمل م القمر

ومعاه هيحلو السهر****ونطفى نار الشوق سوى

بشوق وحنين مستنيا **يهل عليا **وييجيى يزورنى

بيقول ظروف صعبة شويا **ومش باديا** حبيبى اعذرنى

والليلة جى وواعدنى****يسهر معايا ويسعدنى

لكن انتى نورك بيكدنى

ياشمس يلاه وبلاش لاكاعة ***ميعاد حبيبى فضله ساعة

ااقبله هنا ؟ ولاهنا ؟**ولما اقابله ااقوله ايه

اقوله بيك نلت الهنا **ولاالومه واعتب عليه

خايفة عيونى تفضح هوايا **وشوقى ليه يعمل حكاية

وبدال ماسلم احضن ايديه

اصله مواعدينى من جمعتين***ياشمس مدى الخطوتين

خلينى آئيد الشمعتين وافرش له قلبى اللى انكوى

ياشمس قومى روحى ***خلينى اعطر مطرحى

وافتح شبابيك الهوى

****

الحقوق محفوظة

لحسين الشاعر

مع خالص تحياتى

تابع القراءة

ليه ياقلبى

ليه ياقلبى بس ليه ..بعتنى لنظرة عنيه .

كان فى ايه بينك وبينه.. ولا قالك ايه بعينه .

خلاك تبعنى وتشتريه.

ليه ياقلبى بس ليه ..

ليه ياقلبى بابتسامة.. بعتنى ساعة ما سلم.

وسبتنى يالله السلامة.. من غير ما ارد ولا اتكلم .
مش كنت تستنانى حبه .
لما آشوراهل المحبه .
واعرف حكاية حبه حبه.
وعايز ايه منا وليه.
ليه ياقلب؟ بس ليه؟


ليه ياقلبى لما عده.. تهت منى مرتين.
وكل يوم فى المعاده.. دقاتك توصل ميتين.

مكنتش نظرة ورمش رماه.
خلاك تسبنى ادوب فى هواه.
مش عارفه مصيرى ايه واياه.
اهرب منه ولا اليه.
ليه ياقلبى؟ بس ليه.


تقول ياقلبى ما تقوليش.
ما خلاص جراى لى الى جراى لى .
حبيت وغير الحب مفيش.
هو اللى كان شاغل بالى.

خلانى ادوب فى نظرته.
ومليش طريق غير سكته.
وان صدفة عينى قبلته.
انسى نفسى واطير عليه.
ما عرفت ايه بينك وبينه.
وسمعت قالك ايه بعينه.
خلاك تبعنى وتشتريه.

===========

حسين الشاعر

تابع القراءة